مداحی جدید حیدر البیاتی بنام روایات مشینه

کلیپ مداحی جدید حیدر البیاتی بنام روایات مشینه را تماشا کنید.

متن مداحی روایات مشینه از حیدر البیاتی 

 

روايات مشينه

كرامات لگينه

بالحسين بدينه 

وللحسين

...

الله خله بكل گلب حبه

ولجله أسود لبّس الكعبه

وگال سر ديني بتراب حسين

لا صلاة الا عله التربه

التربه

 

التربه

ذهب ذهب تربته تسوه الف جنه

وبلا حُسين كل حچي ما إله معنه

ابو علي بالبشر وين اكو منه

 

توگف الدنيه وتستعد لو سولفت عنه

 

لگيناه علامه

وعرفناه شهامه

المشي صار كرامه

للحسين

...

عالَم الطب حار بوصافه

حته الاخرس يحچي لو شافه

حسين بالطِب حيّر العالم

كل مرض يم بابه يتشافه

 

شفه شفه لكل مرض اسم ابو اليمه

حته الحجر مو عجب لو حچه بإسمه

سر كربله بكربله ومحد يفهمه

 

الما يخدم حسين بصدگ ما ينحسب زلمه

 

اجيناك مسيره

والاعداد چبيره

الخدم هاي عشيره

للحسين

...

معجزات بدرب ابو اليمه

شفنه اعمه يگول هالكلمه

الشوف مو مقياس للعميان

الما يشوفك يا حسين اعمه

 

بعينه العمه الما فهم هذا ممشانه

كل من حچه عالمشي نگطع لسانه

وبكل شبر بالارض خدم تلگانه

الله ومحمد وعلي والزهره ويانه

 

ملايين اجينه

والاعلام بدينه

بحزبنه انتمينه

للحسين

...

حسين يالمابيك كل لوله

بدربك الخطوات مقبوله

شفنه مشلول بضريحك گام

العنده مثلك يوگف بطوله

 

يظل الك هالمشي كل سنه قائم

هذا الدرب خطوته ترعب الظالم

مدد مدد والمدد من گمر هاشم

درب المشي مثل الصلاه ما ينگطع لازم

مسافات گطعنه

درب خير جمعنه

مضه عام ورجعنه

للحسين

...

هالدرب من ينتهي يبدي

من الحسين لطلعة مهدي

بالوصيه كاتب حچايه

ضاملك رايه لولد ولدي

نعم نعم يا حسين صاحت الرايه

عهد عهد كل سنه نجي مشايه

زلم زلم والزلم گد الحچايه

يا بو علي وداعة علي للموت مشايه

 

حسيناه ندانه

كتبناه بدمانه

ولا طاح لوانه

للحسين

...

كرار حسين الكربلائي

( ابو كميل )