مداحی لوحه از محمد الجنامی - اربعین 1403

کلیپ مداحی جدید محمد الجنامی بنام لوحه که بمناسبت اربعین 1446 منتشر شده است را تماشا کنید. 

متن مداحی لوحه از محمد جنامی

لوحه ترسمها المواكب ابدربه سوينـه العجايب

تمطـر الدنيـه هله بيـوم اربعينـه

من العراق نرحـب بكلمن يجينـه

للغــالي للغــالي

____

اختار العراق ابن الزچيه يدري باهله

هذا البلد وكت الكرم ما تلگـه مثله

عشرين مليون اليزور و صاح سهله

اتحوّل مواكب لليجون الوطن كله

 

جاي انته يمنه گـاع مـا تلمـنـه

جيتك تسوه الدنيه يا راحـة تعبنه

ضيف هذا بيته ضيف و بثنيتـه

باب البيت انشلعه و نفتحلك گلبنه

يالبيتـك گلبنــه

 

باربعينه الدنيه حارت كربلاء قبلتنـه صارت

شلنـه رايـة يا هـلا بثنين ادينـه

من العراق نرحب بكلمن يجينه

للغــالي للغــالي

___

مـا نختلـف كلها سـوه بهاي السفينـه

جُندي بخدمتك عالدرب سهرانه عينه

واليكنس بدرب المشوا عاشت يمينه

حتى الطبيب بمـوكبـك خـادم لگينـه

 

 هاي كلها خدمه هاي عدنه نعمه

كل رتبه و كل منصب متحزمه لخدمتك

دين عدنـه انتـه دين و ابخدمته

خدامـك تلگـانـه و مـا نكـسـر كلمـتـك

نقدسها كلمـتـك

 

انته تآمر واحنه نخدم امقصرين اشما نقدم

ما تعبنـه انگلك و حقـك علينـه

من العراق نرحب بكلمن يجينه

للغــالي للغــالي

__

مشايه ننتظرك تجي اتشرف وطنـه

گاع العـراق بخطوتـك تگلبها جنّـه

بهاي المواكب تفرقه ما تلگه عدنه

يا زاير حسين و علي انته من أهلنه

منین ما نسألك هاي كلهـا اهلك

زوار الخاطـركم كل لهجه حـچـيـنـه

روح يـم خليـلي زور و اندعـيــلي

وصي حسين و گله خل عينك علينـه

و خل يرضه علينـه

 

گله أجرة هالخدامه يشفـع النه بالقيامه

والله هنياله الصعد هاي السفينه

من العراق انرحـب بكلمن يجينه

للغــالي للغــالي

__

من تخلص الخدمه نجي يم النخدمه

بيـوم اربعينـه نلتـقي كـل احنـه يمه

و نكتب اسامينـه بسجل مولاتي امه

و نگله سوينـه العلينا ابرينـه ذمـه

 

صــوت للسبـيــه آه يـا رقــيـــــه

ويّـانـه مـا ردّت ماتـت بالخرابـه

حسين يا هضمنه عليك كل لطمنه

للمحشر نقره آه يحسين و مصابـه

و ما ننسه مصابـه

 

صرخه تبقه للمصيبه آه يزينـب يا غـريـبـه

بالمواكب بالمنـاحـه و ابـچـيـنـه

من العراق نرحب بكلمـن يجينـه

للغــالي للغــالي

__

مصطفى العيساوي